صباح الخير
ياناس الشتاء اغتال الصيف ورجع من جديد
.gif "0 (107)")
انا عن نفسي لازلت البس بجامة البرد والدفاية جاهزة على خط النار
وامس امطار من الظهر وانا طفيت العشاء ونوووم >> كني شايب
.gif "0 (56)")
المهم
انا اعشق الامطار ولكن اخاف على سيارتي
واحتاج صديق معاه سيارة دفع رباعي نطلع وقت المطر ومانخلي مكان مانروحه
ولكن تعبت وانا ادور هذا الصديق
اين انت ياصديقي ؟
.gif "0 (127)")
النقطة الثانية
انا فيني عرق عجايز
لي فترة طويلة اهتم بمحلات التخفيضات حقت الاواني المنزلية
بحكم اني ساكن لوحدي وكل فترة احتاج شغله فلازم اروح اشتريها
عاد تقتلني نظرات بعض الحريم في محل التخفيضات
الوحده فيهم تناظرني ولسان حالها يقول:
انت وش جايبك محلات الحريم
.gif "0 (61)")
طيب ياخاله في ناس مساكين عزاب وحياتهم قشرا نفس وجيههم ويحتاجون صحون وملاعق وسلك نحاس وكلوركس وفيري
ياخاله شوية رحمه ترانا نحس وتوجعنا النظرات
.gif "0 (72)")
مو مهم والاهم منها كلها
فكني الله من الرياض وزحمته وعجاجه والحر واللواهيب
وعوضني بالجنوب واجواءه الزينه
وصباحكم مطر وغيم 290
عضويتي 
.png "0 (12)")
العرض العادي
