ذكرتنا باللي مضى و راح
ايام التلفزيون وكل ماهو جميل كان فيه
بالبساطة والاستفادة وقتها واشدد على الاستفادة هنا كثير
لانه الحاصل الحين تهريج لا اكثر بدون اي فائدة تذكر !
بالنسبة لنا اهل الشرقية كنا اخر دلع
تلفزيونات الخليج بشكل عام كانت تطلع لنا ايام
الاريل او الانتل وقتها وهذا شكله
ومنا تميز في الشرقية اكثر عندنا محطة ارسال خاصة لشركة ارامكو
كان اسمها القناة الثالثة وكانت بالانجليزية وقتها
واحلى شي كان يجي فيها مسلسل السيارة العجيبة اللي تتكلم
ومسلسل رامبو ومغامراته والرجل الاخضر
تلفزيون البحرين كان يقدم سلسلة برامج ومسلسلات حلوة
اذكر منها برنامج حول العالم كل ثلاثاء وقتها يجيب غرائب وعجايب
الكثير منها صار وتحقق مثل الانترنت وغيره
وفيه برنامج اخر الليل يجي احبه مرة قبل ينقطع الارسال اسمه
همسات الليل فيه قصايد واغاني مدته نصف ساعة تقريبا ويقفل الارسال بعدها
تلفزيون الكويت هذا احبه وقت العصريات عشان مسلسلات الاطفال وقتها
مثل نيلز وجونكر وغرانديزر
احيان تطلع لنا محطة العراق وعمان
تلفزيون الامارات اتذكر بس محطة دبي تطلع صافية غالب الوقت
وطبعا تفلزيون قطر هذا احب وقت الصبح يجيب اغاني شعبية سعودية وقتها
التفلزيون السعودي هذا اشوف فيه وقتها سلامتك واحذر
وغالبية البرامج وقتها ولاننسى مسلسلات سعد خضر
اظن ماكان فيه ممثل سعودي وقتها غير كله هو البطل
ولي عودة باقي ماخلصت استعرض ايام دخول الدش
و
يعطيك العافية يالغالي
نادر
على تقليب الذكريات الجميلة ياجميل