امس سويت سحور اطيب عشوة بس ماقدرت اصور الطبق الثاني الصورة طلعت بايخه بس بحط طريقتها
كان عشانا ايدامات ( ايدام معرق وايدام بامية ) مع سلطات
طريقة اللحم اولا يتقطع لقطع صغيرة ويتغسل ويتكشن مع البصل بدون زيت لان اللحم يطلع مويا مع التكشين وينضاف عليها شوية معجون طماطم وفلفل اسود وملح وكمون وكركم وتتقلب مع بعض ونحط عليها موية حارة واخر شي ينحط عود قرفة وورق غار ونخليها تطبخ لين تستوي اذا استوت صفيها في صحن لحالها وغطيها
طريقة ايدام المعرق نحط حبتين طماطم في الخلاط ونخلطه ونضيفه في القدر مع معجون طماطم حبة كاملة ونخلطهم ونضيف البهارات رشة من كل شي (فلفل اسود وكركم وكمون وبصل بودرة وثوم بودرة والملح اخر شي لان يحتاج له كل مره ونحط عليه موية حارة قليل عشان المرقة تكون ثقيلة ونضيف فقط ورق غار ولما تبدء المرقة تطبخ نضيف شوية مع اللحم معاها ونشوف طعم الملح اذا مضبوط خلاص نطفي النار عليها ونخلط كزبرة وثوم وتنحط فوق الايدام هذا اللي يعطيها نكهه خاصة وطعم خورافي
طريقة البامية نفس الشي تنخلط الطماطم ونحطها في قدر مع معجون طماطم كاملة والبهارات ونضيف الموية الحارة وورق غار ونحط البامية معاها لانها تاخذ وقت لما تستوي بعد ماتستوي نضيف الملح ونشوف الطعم ونطفي عليها وينحط لها كزبرة وثوم اخر شي
سلطة فلفل الرومي فلفل رومي ملون احمر واصفر واخضر يتقطع لمربعات صغيرة ونعصر عليها ليمون حبة كبيرة
ويا صباح الاكلات اللي تفتح النفس
مين قالي اخش هنا وانا لسه ما فطرت
اقتليني عن صحن البامية ما راح اقوم
يمي يمي لذاذه باين من الشكل
تسلم الأنامل اللي طبخت
وعليكم بالعافيه يارب
ولا تنسينا من طبخاتك الحلوة
وش رايك نفتح مشروع انا وانتي
انتظر جديدك ياعسل
لك التقييم والأعجابوالختم