بصمات خيال الطير

الشـوق ماله وقـت يا ساكـــن الروح
ما دام طيفـــــك ما يفــــارق خيالي
اتذكـــرك والقلـــب يشتــاق ويبوح
ويصيــح فــي الاعمـاقى يابعد حالي
كابرت شوقي لاكن الشوقى مفضوح
والشوق مالـــي في سكوته مجالي
حاول تحــس بلهفـت الروح ياروح
وخليـك اقــرب يا الغلا في وصالي

نخب الأحلام ,ĂĐмйŤ.7βĶ معجبون بهذا

انت الغلآ ،، يا أروع الخلــق والنآس
وأنت السوآلف بين نفسي وبينـي
:
دايم على بالي ولك شوق واحساس
ولازلت أشوفك وين مآ أحط عينـي
:
تعالي سيدتي الحبيبة قربي إلي
سأكون هذه المساء معلمكِ ..
وسأدرسكِ وأعلمكِ ما يجهلكِ
سأفتتح مدرسة للحب لي ولكِ
يعني لا يوجد فيها غيري وغيركِ
سأكون زميلتك ومعلمك وصديقتكِ
سيكون منهجنا كيف الحب يكون
وكيف أنتتي بنظراتك سحرتي
فهناك العلوم في علوم العشاق
وجغرافية ومعالم الأشـــواق
وقواعد العطر الدفين في أنفاسكِ
وذلك درس تاريخ موعد لقانا
سيكون هناك حفلة التخرج لكلانا
وسأسمي المدرسة بأسمكِ
وعطر أنفاسك أسطورة الزمان
سنخرج هذا المساء بعد التعلم ...
ستكون فسحة حب وفيه لقــاء
فالنجوم حبيبتي تناديك وتهنيكِ
هاهي تحكي قصة غرام خيالية
تتغزل بنا وكلماتها تدور حولنا
تعالي هاهي تسمعنا الغناء ..
وتمسح بكلماتها العنــاء
متعة التحديق بالنجوم
في مسائي وأنتي بجانبي
:
:
حسب بيئتي أكتب تعابيري
ربي يسعد مساكم ..حبايبي

نخب الأحلام ,ĂĐмйŤ.7βĶ معجبون بهذا

‏ياجعلني ما افقد وجودك وانا حي
‏ويا جعل حب ساق قلبي يسوقك

‏مابي بعد شوفتك من دنيتي شي
‏لبى هدب عينك ولبى خفوقك.
:
:
مساء الخير
مساء الخير و الإحساس و الطيبة
مساء ما يليق إلا بأحبابي
مساء غير غصن الطير يحكي به
عن اللي مسكنه جفني وأهدابي

هلا باللي أحبه كثر تعذيبه
و كثر ما هو يغيب و كثر ترحابي
حبيبي هو ولو ما قصر الغيبة
و لو عن بسمتي قد طول غيابي
أعرفه زين و أعيتني أساليبه
عدوي يوم و يوم أقرب من أصحابي
ملكني بين ترغيبه و ترهيبه
يفارقني و هو واقف على بابي
به الصادق به الغارق بأكاذيبه
يبي بعدي و دمعه بلل ثيابي
به القسوة به الرقة به الهيبة
به الضعف القوي به نشوة إغضابي

هلا باللي يصيب العطر بالريبة
يقول العطر أنا زايل و يبقى بي
هلا باللي يقول الورد وش لي به
من المهدى أنا أو هو لأطيابي
هلا باللي علي يقسى و أماري به
هلا باللي أبد ما لان لعتابي

هلا باللي عجزت ألقى عذاريبه
هلا باللي تحبه كل أسبابي
مساء فاق كل الشعر ترحيبه

نخب الأحلام معجب بهذا

تِدْرِي مِتَى بِتِعْرِفْ قَدْرِي وْ تِفْقِدْنِي ؟
لاَ رِخَصْتْ نَفْسِكْ لِشَخْصِ مَا يِرَاعِيهَا

بُكْرَهْـ لاَ هَمْلُوكْ النَّاسْ تَذْكِرْنِي
وْ تِقُولْ عِزَاهْـ عِينِي مِنْ يِدَارِيهَا ؟

مَدَامْ غِيرِي عَلَى قَلْبِكْ { مِشَارِكْنِي }
وِشْ هُو لَهْ أَعَلِّقْ الآمَالْ وْ أَبْنِيهَا

يَكْفِينِي إِنِّكْ رِحَلْتْ وْ مَنْتَ { عَايِفْنِي }
هَذَا عِزَا النَّفْسْ مِنْ كِثْرَة بَلاَوِيهَا

أَهْدِيتِكْ دُمُوعْ مِنْ طَعْنِتِكْ تَحْرِقْنِي
وْ إِنْتَ إِللِّي تِسْتَاهِلْ الدِّنْيَا وْ مَا فِيهَا

واهديتني جرح موجعني وْ عَاجِبْنِي
لأَنَّ الهَدَايَا عَلَى مِقْدَارْ مِهْدِيهَا

صَحِيحْ { حِنَّا انْتِهِينَا } بَسْ صَدِّقْنِي
وَاللّه إِنِّكْ تِبْقَى { هُوَى رُوحِي } وْ غَالِيهَا

مَفْضُوحْ رَاعِي الهِيَامْ وْ نَظْرِتَه تِغَنِّي
مَلاَمْحَه وَاضْحَة فِي وَجْه رَاعِيهَا

لِكُلِّ دَاء ٍدَوَاءْ لُو هُو مِتْعِبِنِّي
إِلاَّ مَحَبِّتِكْ عَيَّتْ مِنْ يِدَاوِيهَا ‎

إِنْ قِلْتْ عَلِّمْنِي أَنْسَى ؟ لاَ تِعَلِّمْنِي
دِنْيَايْ لاَ مِنْ نِسِيتِكْ وِشْ تَالِيهَا ؟ ‎

فَارَقْـتِنِي وْ ضَحْكِتِكْ عَيَّتْ تِفَارِقْنِي
وَاللّه يِلْعَنْ أُبُو الفَرْقَا وْ طَارِيهَا

مَقْدَرْ أَفَكِّرْ بْغِيرِكْ وْ إِنْتَ عَارِفْنِي
عَشَانْ حَاجَة بْقَلْبِي مَقْدَرْ أَخْفِيهَا ‎

أَخَافْ لاَ حَبِّنِي غِيرِكْ وْ عَاشَرْنِي
يِشُوفْ صُورِتِكْ فِي عِينِي وْ يُوحِيهَا ‎

نِشَدْتْ عَنِّكْ وْ سِمَعْتْ إِللِّي { يِفَرِّحْنِي }
وْ يِرْتَاحْ صَدْرِي مِنْ هُمُومِ يِحَاتِيهَا

( تَبِي تَعْرِفْ وِشْ عَلَى الفَرْقَا مْصَبِّرْنِي
إِنِّكْ بْخِيرْ وْ حَيَاتِكْ مِتْهَنِّي فِيهَا )

نخب الأحلام معجب بهذا

عليك إسلوب . .
يخلّي إلْـ ما يذوب ~ يذوب ،
على النيّة تكلّمهم ! لأنّك :
( طيّب و حبّوب )
أنا كم مرّه قايلّك ، حبيبي :
- لا يشووووفونك ....
ولا أبيهم - يكلمونك ..
ولا تضحك :
يا غالي ... تو و و ب !

ولا تسولف مع غيري
علينا كل شي محسوب ترى بعض البشر
يفهم كلامك :
صوب ، وقصدك ، صوب !

أنا .. مو ناقص العالم
يِحَسْدوني ، على عيونك
يذمّوني ، و ... يغيرونك
ونِعيش فْراق ~ يا طيّوب ؟
أموت إن عِشت من دونك

تعااااااااال إشرق ولا تَغْرِب عن عيوني :
كفاك غر و و و ب !
وإذا تفكّر تقاطعهم فديتك :
هذا هو : المطلوب . .
أنا ما أبي يسمّونك :

حرامي قلوب ..

نخب الأحلام معجب بهذا

يهزني طاريك واجيك مشتاق
وارسم على درب المواعد حنيني
أجيك كلي ياهواء الروح تواق
يالذة الحاضر وباقي سنيني
:
:
:
صباح الخير ...يا أصحاب الطير وزوّاره

نخب الأحلام معجب بهذا

صباح الخير ...وفالكم خير
:
يقول الشاعر :
جتني تكلمني وربعي يشوفون
تقول ابيك ان كان تقدر تجيني
قلت الاهل قالت بسرعة ينامون
وفي غرفتي ترى مالهم دخل فيني
قلت العهد قالت من القلب مضمون
قلت الغلا قالت مثل نور عيني
قلت الوعد قالت ليا هود الكون
انطحك عند الباب قلت انطحيني
وسريت لجل عيونها مثل مجنون
ولقيتها بنفس الوعد تحتريني
قلت اسمحيلي من شفاياك عربون
قالت تفضل غرفتي ياضنيني
دخلت غرفتها بها الطيب مدهون
له ريحت تجذب خفايا حنيني
طاحت بحضني وقالت العمر مرهون
بيــديك قلبــني على ماتــبيني
باقي القصيدة مشفره
لازم اشتراك
إشتراك المتزوجين 200 ريال
إشتراك العزابية 500 ريال
إشتراك المتقاعدين 1000ريال